Heiðmerkurþrautin
Þríþrautarfélagið Ægir3 stendur fyrir hinni vinsælu Heiðmerkurþraut laugardaginn 22. október n.k. haustið 2022. Ræst er kl 11:00 að morgni.
Ræst er kl 11. að morgni og keppt er í hlaupi - hjóli - hlaupi. (4km -15km -4km). Nú hefur verið opnað fyrir skráingar 🥳 hér neðar á síðunni.
Sundhræddir ættu ekki að láta sig vanta því keppt verður í tvíþraut þar sem hlaupið er tvisvar og hjólað einu sinni.
Þrautin er haldin í góðu samstarfi við Skógræktina í Heiðmörk og mun allur ágóði af skráningu renna til þeirra.
Skráning og verð
Skráningargjald í Heiðmerkurþrautina 3.500 kr. Allur ágóði af keppninni rennur til Skógræktarfélagsins í Heiðmörk.
Skráningu lýkur kl. 23.59, fimmtudaginn 20. október 2022.
Verðlaunaafhending verður að keppni lokinni og verða veitt verðlaun fyrir fyrstu 3 sætin í kvenna og karla en ekki eftir aldursflokkum.
Sjáumst hress í Heiðmörk!
Skráningarverð
3.500 kr
Hvað sagðiru, tvíþraut?
Í stað þess að byrja á sundi eins og í hefðbundinni þríþraut þá hlaupum við 4km leið eins og vindurinn um skóglendi Heiðmerkur. Því næst hjólum við 15km og hlaupum svo sömu leið aftur. Þetta er því kjörið tækifæri fyrir landdýr til þess að láta ljós sitt skína og gera það í þessu fallega umhverfi.
Keppnisbrautin
Rás- og endamark í Heiðmerkurþrautinni er í Furulundi.
Hlaupaleið
Rétt tæplega 2km hringur sem er hlaupinn tvisvar sinnum í hvert skipti.
Hlaupið er eftir malarvegi í átt til Reykjavíkur. Beygt er við fyrstu beygju til hægri inn á göngustíg, beygjan verður vel merkt.
Hjólaleið
7,5km langur hringur sem er hjólaður tvisvar sinnum. Hjólað er af stað í átt til Bláfjalla og hringurinn því hjólaður réttsælis.
Undirlagið er möl og því nauðsynlegt að vera á hjóli sem ræður við það. Við mælum með fjalla- og malarhjólum.
Almennar upplýsingar
-
Verðlaunafhending verður klukkan 13:00 og verða veitt verðlaun fyrir fyrstu þrjú sætin í karla og kvenna flokkum, ekki eru veitt verðlaun í aldursflokkum.
-
Keppnin er haldin seint að hausti til svo huga gæti þurft að nagladekkjum og skóbúnaði ef hállt er á keppnisdegi.
-
Keppendur eru hvattir til að leggja ekki í Furulund heldur leggja við brúnna við Helluvatn og hjóla uppeftir. Þar verður einnig hægt að fara á salerni en ekki er salernisaðstaða í Furulundi.
-
Hjólarekkar verða ekki til staðar á skiptisvæði.
-
Ekki verða drykkjastöðvar á keppnisbrautinni en keppendum verður auðvitað boðið upp á heita drykki og fleira í endamarki.
-
Nánari upplýsingar og keppnishandbók mun berast keppendum í tölvupósti þegar skráningu lýkur.
-
Öllum fyrirspurnum skal beina til okkar á Facebook síðu Ægir3 eða í tölvupóst aegir3@gmail.com