Einstaklings keppni og boðþraut
Hægt er að keppa annað hvort sem einstaklingur eða lið í ólympískri þríþraut á Laugarvatni. Ef valið er að keppa sem lið geta allt að 3 einstaklingar skipt með sér þrautum þar sem t.d. einn syndir, annar hjólar og þriðji hleypur. Í boðþraut verða veitt verðlaun fyrir efstu þrjú sætin.
Keppnisbrautin
Svæðið umhverfis Laugarvatn er ótrúlega fallegt og hentar mjög vel til þríþrautariðkunnar. Vatnið er passlega djúpt til þess að alla sundleiðina er hægt að stíga til botns ef þörf er á. Á hjólinu er farið yfir víðan veg, að miklu til á mjög nýlegu malbiki. Hlaupabrautin er stutt og hröð og fer því oft framhjá stemmingunni hjá marksvæðinu.
Sundið
Í vatninu eru þrjár baujur sem mynda 750 metra hring. Syntir eru tveir hringir, samtals 1500m
Hjólið
Hjólað er frá skiptisvæði, uppá hringtorgið við Laugarvatn, þaðan er hjólað áleiðis til Svínavatns að snúningspunkti við Þóroddsstaði þar sem snúið er við og hjólað aftur að hringtorginu, og sama leið farin aftur að snúningspunkti. Eftir að seinni ferð lýkur er farið aftur að skiptisvæðinu þar sem hjólaleggurinn endar.
40km & 288m hækkun
Hlaupið
Hraður 2,5km hringur þar sem hlaupið er frá skiptisvæði upp á tartan hlaupabrautina þar sem hlaupinn er einn og hálfur hringur. Í framhaldi er hlaupið út af tartan hlaupabrautinni upp á Traustatún og þaðan í gegnum bæinn að Hrísholti þar sem beygt er til hægri og hlaupið niður í átt að Laugarvatni. Síðan er hlaupið meðfram vatninu, framhjá Fontana og aftur að skiptisvæðinu.
4x hringir, 10km & 40m hækkun
Myndefni frá keppninni
